گونا‌هـ
چەند خۆشە کە گوناهەکانمان نابیندرێن
دەنا دەبوو هەموو ڕۆژێ خۆمان بشۆین
یان ناچار بووین لەبەر بارانێدا بژین
ئەوەش خۆشە بە درۆیان ڕەنگمان تێکناچێ
ئەگینا دوای هەر چرکەیەک
یەکترمان نەدەناسییەوە
ئەی خوای ڕێناس
سەبارەت بەو هەموو بەزەییەت
سپاس
گیتار
گیتار گۆرانییەکان دەگریێنێ
لە زارکە بازنەییەکەیەوە قوڵپە قوڵپی ڕۆحە ونبووەکانن دەڕژێن
گەلێ ژێی ناوەتەوە ئەم ڕاوکەرە
شەش ژێ
تا ئەو حەسرەتە ڕاو بکا کە بەسەر ئەستێرە دارینەکەدا سەراوە
نا
تۆ ناتوانی گۆرانییەکەی بێدەنگ بکەی
چون لە خەمی شتە دوورەکاندا گریاوە
