کچی عەنکاوە ئەگەر حۆر و پەرین هەموو هەر خادمی بەر ماڵی پەرین
ڕاستە ئیغڕاقە بەڵام دیتوومە لەشی ڕێک و کەمێ گۆشتن، مەڕمەڕین
نە هەر من زۆرین لە دەوری شەمی ڕووی بووینە پەروانە کەچی بێ سەمەرین
هەڵوەداین و هەموو دوورە وەتەنین بە ئەوینی سەرلەنوێ دەربەدەرین
خۆ ئەگەر تۆزێ زمانی پسکە هیندە شەیداین هەموو لێی بێخەبەرین
لە حزوور باوکیدا دەستەونەزەرین بۆ پەری گشت نۆکەری پیاوی کەرین
