تۆ هەنار و
من تەمام بوو
لە پاییزی تەمەنمدا بتچنمەوە
کەچی لەپڕ بووی بە گەڵای ئەم پاییزەو
لە درەختی تەمەنی من جیا بوویتەوە
پاییز وەکوو جووتیارێکی دەست قەڵەشیو
چەڵاکی بای بە دەستەوەو
داری تەمەنمان دەڕنێ
ئەو جارەیان گەیشتە تۆ
چاوەڕوانم
ئاخۆ کەی نۆرەی منیش بێ
داری تەمەن
تەنیا چەند گەڵای پێ ماوە
هاکا ئەوانیشم وەرین
ئیتر منیش ڕزگار دەبم
جێ هەبێ پێکەوە دەبین
وەرین هیندەش سامناک نییە
ئێمەین دەقمان بەم کۆت و بەندە گرتووە
گەڵا هەتاکوو نەوەرێ
کەی بە گەڵای ئەوینی خۆی گەیشتووە؟
